Kjedeleg topp
Publisert 31.10.2013 kl 22:14 av Anneli
Tidspunkt: 28.10.2013
Topper besteget på turen: UZJglwlz 1m i Orkdal, Sør-Trøndelag
Med på turen: Anneli
Har sjølvsagt ingen rett til å klage, for det er ikkje få som har anbefalt dette som skitopp, men eg syntest det var ein langdryg og kjedeleg tur. Godt mogleg dette var eit utslag av at det var tredje dagen på tur, og at myrene difor kjendes uendeleg tunge ut. Parkerte min lille raude på vegskuldra ved Strypen og gjekk i meir eller mindre rett line mot Lillegråurda og derifrå langs ryggen til topps. Strålande haustvêr og flotte vardar var godt etter strevinga opp myrene og fjellsida.
Etter planen hadde eg tenkt å ta Gråurda i same slengen, men fann ut at eg heller skulle satse på å kome meg til Frøya før mørket kom og ta toppen der. Rutevalet opp til Gråurda vart imidlertid klart for meg - og det fekk eg jo nytte av seinare.
Ned igjen frå toppen langs same linje som opp. Fann ingen god sti her, berre noko som innimellom kunne likne. Som fleire har konkludert med før meg: Sikkert ein fin skitopp!