World Wide Vikings - Turrapport

Følg Rv 41 til Søre Herefoss, ta deretter av riksvegen og over på fylkesvegen som går til Grimstad. Kjør til Begervann, eit stort vatn på venstre side av vegen. Parker i vegkanten, og følg traktorvegen på høgre side av fylkesvegen. Traktorvegen er lett å gå. Legg merke til alle mini-juletrea i vegkantane!

Det er to vegskilje før skogsbilvegen sluttar. Eit skilje der vegen til høgre går til Senningtveit og eit skilje til venstre på toppen av bakkane. Følg traktorvegen til han sluttar. I Turbok sør, Grimstad, utgitt av Friluftsrådet Sør, foreslår dei ei rute der ein skal krysse myra der traktorsporet sluttar. Vi fylgde ikkje foreslått rute, men sikta mot toppen og gjekk over myr, stein og kratt før vi var oppe.

Knaben ligg på eit høgdedrag med enkelte furutre. Det har vore eit trigonometrisk punkt her, men det er berre boltane som står igjen. Fin sikt over Tovdalselva i retning av Herefoss og elles over heiar og dalar i område.

Returen vår gjekk frå toppen og rett ned mot traktorvegen. I turboka er turen oppgitt til 5 km. Kanskje vi gjekk 3-4 km, sidan vi tok snarvegen ned...