World Wide Vikings - Turrapport

Kjørte gamle E18, ved Kaldvellfjorden, og tok av mot Vatne. Skiltet seier 3 km til Vatne, og vi kjørte nesten inn til Vatne-gardane. Parkerte eit par tre hundre meter før, der det går ein bomveg inn til høgre. Ingen merking her, verken for parkering eller for at dette er vegen til Hisåsen.

Følgde bomvegen/traktorvegen ca 2.5 km innover. Tok til høgre i eit vegkryss, passerte ein gapahuk på høgre side, tok av vegen og til høgre litt etter gapahuken. Heller ikkje her er det skilta, men det er tydeleg rødmerking på steinar og tre. Det er lett å følgje oppmerkinga, og den fører rett mot toppen av Hisåsen.

Etter ein knapp time, like lang tid på veg som på sti, var vi på toppen. Ein fin steinvarde, litt skjult, eit skilt som fortalde at vi var "På topp" på ein av dei 24 utvalde toppturane til Midt-Agder friluftsråd. Utsikten er fin over havet. I kikkerten såg vi Danmarksferga Superspeed på veg ut frå Kristiansand. Homborsund fyr er også tydeleg. Innover er det fin sikt over Grimevatna og lenger innover.

Vi tok same veg tilbake til bilen, var ikkje på "Lille Hisåsen" eller "Lillerøys".
Ein fin tur med god sikt - gode rødmerkingar gjorde det mykje lettare å finne toppen enn sist forsøk for fleire år sidan.