World Wide Vikings - Turrapport

Sjølvaste dagen for stortingsval og eg på eit fly frå Stavanger til Kristiansund. Hadde lukkeleg lagt av førehandsrøyst til rett parti så her var det berre å få nyte denne fagre dagen i september, 22 grader og knall sol!
Hadde feber og snørret rann så var veldig i stuss om dette var ein god ide, men klartre ikkje la vere. Planen var å ta det svært rolig...
Køyre inn til Batnfjordøra, dvs. tok av 200 meter før eg var heilt ved øra. Det kjappaste er nok å halde fram på E39 eit par km til og så krysse dalen nordvest ot Åndal. Valde å betale bompengar og køyre 1.3 km til parkering... 40,- teite kronar, men er ein sjuk så tar ein seg litt fridom.
Starta ca. kl. 1700 ved merka skilt, så er det berre å labbe oppover til Ullalandsvatnet. Her er det påfyll av drikke og så opp til topps. Stort sett fin sti, litt steinur, men den var fin. Luftig og flott når ein kjem opp og ein magisk 360 - utsikt! Eg brukte 77 min opp, halvrask gange og ikkje så seint som var målsetjinga.
Det kom også eit par trimmarar frå Eide, dei startar ved Ugelstadmyra og distansen er kanskje ikkje så ulik. Her er det fin tur uansett kor ein startar frå. Reinsdyrpølse på toppen, la kroppen som ikkje var heilt i slag denne dagen få ta seg litt inn att, og sette kursen mot Surnadal som var neste (jobb)stopp. Eg treng meir paracett.

Tid: 2t 15min min gangtid.
Lengde: 7.2 km
Høgdemeter: 895
Turtips: Turen bort til Stortussen ser flott ut, det gjorde ikkje eg i feberrus.