World Wide Vikings - Turrapport

Starta som mange andre frå Molværsbrauta, denne dagen i lett regnvær og blest. Tok derfor vind- og vatntett tøy med fjellskoa fatt. Hadde god fart marsjfart opp lia mot Vonhytta, men feilnavigerte litt (unødig) ved oppkomst på grusveg (Vonvegen) som går opp til hyttefeltet.
Vart godt med vind frå hytta og oppover, men var som sagt godt kledd og skodda var ikkje så tjukk at det var noko å uroa seg over. Traska godt av gårde på 120 i puls og kom til toppen etter 59 minutt inkludert feilnavigering og ein 3 min telefonsamtale.
Mykje stein og stas her og vardar kring kvar ei krå. Steinbra! Hadde tenkt å ta same veg ned att då eg var åleine og veret ikkje var så bra, men vart så freista av rundturen kring Rundehornet og så nord att til parkeringsplassen at det vart det. Angrar ikkje eit sekund, her var fint og fota seg med gode sko. Passe mjuk mose og botn nedover. Litt andre ting og kvile augo på også når ein er lei av Ålesund og feite båtar frå emiratane.

Var nede att etter nesten 2 timar inkludert mange fotostopp.
Lengde: 7, 38 km
Konklusjon: Flott runde, men terreng som kan vere fuktig, men med herlig utsikt.

Turtips! Stikk ei tur innom fabrikkparken i Molværsfjøra med flotte utsal på Devold, Norrøna, Bergans++. Masse tøy og greie prisar til ein kvar stakkar. Dei stengar kl. 1800 på kvardagar.