World Wide Vikings - Turrapport

På veg frå Oslo til Bamble fekk eg lagt inn ein liten stopp i Vestfold. Parkerte ved Holt biologiske gard, leita etter stigen ved å gå inn enga rett fram til høgre og følgde kanten heilt rundt. Gjekk forbi ein stig, men nord i jordet fann eg ein blåmerkt stig som litt utydeleg tar av rett før ein kjem til den vesle dammen nedi dumpa. Stigen var heilt fin den, men det var vått i terrenget og mykje mygg inni dalsøkket der lauvsalen var tettast. Men herleg luft! På GPSen såg eg at eg var i ferd med å kome for langt sud i høve til toppen som var på venstre side, men hadde is i magen og ei stykke sør for toppen vende stigen mot venstre over bekken, forbi ei hytta og tok så bratt og fint opp på toppen frå sørsida. Super utsyn frå denne sørlege enden av toppen. Gjekk så nordover opp til varden og kassene med bøker i. heim att følgde eg så den same blåmerkte stigen nordover, og den landa i hamnehagen der to hestar gjekk. Følgde stig tilbake til garden slik at eg gjekk på høgre side av gjestehuset og tilbake til parkeringsplassen. For dei som vil raskt opp og ned att er det best å gå mot garden, halde til venstre for tunet, skjere på skrå forbi rideinnhegninga, halde venstrekanten av jordet og så stikke inn i skogholtet ved å følgje blåmerkt stig. Ingen var på tur med meg i dag. Nr 88 dette.