Sjølvmerking
Publisert 08.06.2013 kl 09:18 av Anders
Tidspunkt: 06.06.2013
Topper besteget på turen: UZJglwlz 1m i Tingvoll, Møre og Romsdal
Med på turen: Anders
Var på jobbtur til Sunndalsøra og valet falt på ettermiddagstur til Smisetnebba grunna tid, snø og vermelding. Hadde med joggetøy, dette så ut til å vere god motbakketrening og basisbyggetur.
Starta frå Smiset gard (rett forbi, parkerte i ei grøft) der det er hengt opp raude plastmarkeringar om kor du skal gå. Var eit lite parti det ikkje var merke på flata, men elles var det berre å "peise på" opp liane. Skogen hjalp også til med merkinga der fleire bjørker hadde fått gnagd vekk stripelag av bark (elg?). Relativt fuktig så sokkane vart kjapt blaute, men ikkje plagsomt når det er ull (eller neoprene). Fann vegen via hytta halvvegs, til skogsgrensa, opp åsryggene og eggen mot toppen. Jogga ikkje fort og spesielt siste bete er bratt, men relativt imponert over Otto og Inger Lise som har gått opp på ein dryg time når eg jogga opp på 1t 24min ;)
Kom ein måsadott inn rett før eg kom opp og litt regn starta så ingen grunn til å vere lenge der oppe. Ned att var det snøtunger å skli på og mjuk myr å dempe på lenger nede så hadde ein fin tur også ned att. Regnbogen markerte kor bilen (men ikkje skattekista) stod.
Tid total eksklusiv pause på toppen: 2t 05min
Turtips: Ikkje dum som joggetopp om formen er relativt ok. Vurder rundttur sørover frå nebba om veret er fint.