Sundagstur til Vikerfjell
Publisert 07.04.2013 kl 20:01 av bakken59
oppdatert 07.04.2013 kl 20:03
Tidspunkt: 07.04.2013
Topper besteget på turen: UZJglwlz 1m i Ringerike, Buskerud
Med på turen: bakken59
Først gong i Vikerfjell: flott skiterreng! Tok av E16 ved Killingsundet eller noko sånn. Skilt med Vikerfjell. Bompenger på kr 60, hadde berre 50. Køyrde vegen il ende og gjekk frå Lykkrosmyra eller noko liknande. Flotte nykøyrde spor. Hadde smurd med universalklister og valde fjellski (hadde begge delar med i bilen). Spikerfeste (det isa rett og slett) opp til Store stein. 5, 6 km dit og så 2 km utanom løypene til topps. Fekk følgje med ein kar frå Hønefoss, hans første tur også. Vi åt niste saman i le av varden. Flott dag, utsyn til alle kantar, vi meinte det var Jotunheimen vi såg rett i nord. Fjellskia var kjekke å ha nedover, med knallhard is og fokksnø. Men nydeleg 5-10 cm laussnø nedste stykket mot steinen. Følgjet mitt hadde berre langrennsski og strevde. Frå steinen gjekk eg mot nord og aust slik at eg fekk ein runde på knappe 24 km. Dei første 5 km var nedoverbakke, sleit bort alt feste med bremsing i isute trase. Nede på nydelege flater med myrer og vatn og furumo, smurde eg med sølvklister, men det hjelpte ikkje stort i spor som var som bobsleighbanar. Sleit meg tilbake til Sandviksetra og Lykkrosmyra(?). 23,6 km. Og så heim til Oslo i bil. (Det tok akkurat 2 timar.)