World Wide Vikings - Turrapport

Fin søndagstur til topp med god sikt. Ta av Rv 402 på Eikeland og kjør retning Nordbø. Greitt å parkere i vegkanten, t.d. ved skytebanen eller bomvegen over mot Glamsland. Herfrå er både Eikelandsknuten og Nordbøknuten lette å få auge på. På høgre sida av eit dyrka jorde går ein tydeleg kjerreveg/traktorveg innover mellom dei to toppane. Etter eit par tre hundre meter går det tydeleg sti opp til høgre, retning Eikelandsknuten. Stien er tydeleg heile vegen, til toppen. Vi tok same vegen tilbake til bilen.