Eg og Torbjørn starta frå Refsdalssetra (10 min køyretur frå Syvde). Gjekk opp til Blæjevatnet. Vi hadde tenkt å gå langs med vatnet og opp skaret bakanfor, men vart skremt av at det framleis låg mykje snø der inne. Vi bestemte oss derfor å gå opp på Lisje-Blæja (fortoppen som er ca 100 m lavare) og prøve oss på eggen bort til (Store) Blæja. Ganske bratt opp, men det gjekk heilt greit. Eggen var ganske spektakulær med ei stupbratt vestside, men ikkje noko problem å gå utan sikringsutstyr. Flott utsikt frå toppen mot Syvdsfjorden i sør og Sunnmørsalpane i nord.