|
GRATULERER TIL GAMME&CO (14.juni - av Frode Høgset) Vi møtte ein stor norsk ekspedisjon leda av Aleksander Gamme medan
vi var på Elbrus. Dei hadde toppforsøk i går, og rapporterer at
alle 15 kom til topps. Vi gratulerer og reknar med dei har ei flott
feiring i Cheget i kveld :-) Norge er best!!!
HEIME IGJEN (13.juni - av
Frode Høgset) Ja, så var nok ein tur
over. Det spøkte ei stund for at vi måtte utsette heimreisa på grunn av
demonstrasjonar og stengte vegar i Baksan-dalen. Det er ingen tvil om at
finanskrisa også har nådd Russland, og mange av dei som jobbar i
turistnæringa i Elbrus-området har også mista jobbane sine. Heldigvis for
oss vart aksjonen avblåst etter knapt ein dag, slik at vi i dag
tidleg kom oss tilbake til flyplassen i Mineralnye Vody utan større
problem enn det den sedvanlege laurdagstrafikken baud på. Laurdagen er som
i mange andre land også i Russland den store handledagen i løpet av veka,
og trafikken gjennom dei større sentruma var ganske
tett. I
Moskva fekk vi nokre timar ventetid som vi brukte bla.a. på eit godt
måltid på Airport View Restaurant. No sit eg og Arne på
Gardermoen og ventar på nattbussen heim til Oppdal og fordøyer inntrykka
den siste veka har gjort på oss. Opplevingane på fjellet har vi forsøkt
skildra undervegs både med ord og bilde, men det er ikkje mogleg å vise
meir enn nokre få glimt i ein slik blogg. Vil du vite meir, må du reise
dit sjølv og oppleve sjølv. Og ein tur til Kaukasus kan varmt anbefalast
enten du skal bestige Elbrus eller vandre i ein av dei flotte
dalane i området. WWV kjem til å arrangere iallfall ein tur til Elbrus i
mai/juni neste år. Vi har no etablert eit godt kontaktnett der nede når
det gjeld transport, overnatting, mat og ellers den servicen ein treng for
å gjennomføre ein ekspedisjon til Europas tak i den fantastiske
fjellverden som Kaukasus er.
Meir info om Elbrus-turen
neste år kjem på www.wwv.no. VI KLARTE DET!! (11.juni - av Arne Opdahl) Vi
klarte det!! Etter å ha nådd målet som var å bestige Europas høgste
fjelltopp Elbrus på 5642 meter er vi nå nede i sivilisasjonen i
Cheget/Azau igjen. Vi har oppsummert opplevelsen, og konklusjonen er klar:
Denne opplevelsen anbefales! Vi starta fra dei så
kalla tønnene (Barrels) klokka 0400, etter å ha fått frokost servert av
kokka vår, Olga. Så brukte vi tråkkemaskin sammen med fire spanjolar eit
stykke oppover, før turen starta på 4550m kl 0445 med ski og skarejern for
to av oss, fjellsko og stegjern for dei to andre. Knallvær, sola kom opp
og brakte temperaturen oppover mot null. Stigninga var bratt, og på grunn
av blåis måtte skia etter ei stund av, og stegjerna på for oss andre også.
Den såkalla traversen var tung og lang, og ein litt for hard
akklimatiseringstur dagen før toppstøtet var nok medvirkande til at bakken
var ekstra tung. Arne gikk no med Randoneeski, mens Dag, Rune og Frode
gikk med stegjern. Oppe i salen mellom østtoppen og vesttoppen tok vi
rast, på 5350 m. Slitne var vi, men ingen var i tvil, opp
skulle vi! Derifrå var det stegjern og isøks som brakte oss bratt opp på
ryggen og bort på toppunktet som er mye meir trangt enn det ser ut til på
avstandsbilder. På slutten fikk vi nok ein gong erfare at været er
ekstremt skiftande, og vinden økte på og snøver gjorde det litt surt medan
vi behørig fotograferte og poserte for kvarandre. To trivelige polakkar
var på toppen sammen med oss, og vi jubla i euforisk
topprus. Uforståelig for mange, men for oss som har denne
sjuka er det denne følelsen som er ein del av dette fantastiske og
ubegripelige. Det å ha mådd nålet, å ha hatt det trivelig sammen mens vi
jobba oss oppover, og så å stå på toppen. Enkelt nok sagt ikkje minst
fordi den ganske enkelt finns! Så er for nokre av oss like fantastisk
denne ubeskrivelige gleda ved å ta seg nedover bratte fjellsider i meir
eller mindre elegante svingar. I dette tilfellet har vi hatt mange tusen
høgdemeter med knallføre nedover. Viktig er nok også den enorme
mestringsfølelsen med heile prosjektet og alt som er knytta sammen med
dette fjellivet som vi dyrkar så intenst. Mens eg skriv dette
sitt vi på eit hotellrom i sivilisasjonen. Vi har vore på ein
kjempetrivelig lunsj med kontakten vår Gia, vi har vore på markedet her i
Cheget, og handla souvernirar. Dei lokale matronene i markedsbodane har
til dels overraska med å snakke litt engelsk, i motsetning til mange her.
Servicen er upåklagelig, blant anna har vi fått lovnad på heimestrikka
luer med spesialtilpasning og Elbrusmotiv til i morgon tidlig! Vi har på
turen sett eit samfunn i utvikling, men med eit ubenytta potensial som er
over alle grenser, bokstavelig talt. Vi har opplevd forhold som Miljøretta
helsevern og Mattilsynet ville har reagert kraftig på, men som vi lærer
mykje av. Vi har opplevd eit folk som har sine oppfatningar
om utviklinga under Putin, og etter Sovjetunionens fall. Det er ei klar
oppfaning av at ikkje alt vart til det bedre når det gjaldt satsinga i
Elbrusregionen. No er det bygd ein ny kabinbane, og ein ny lenger oppe er
klar til komersiell drift. Små investeringar ville ha betydd mykje
forstandarden på tilboda, men som dei seier, folk kjem no
lell! Vi har opplevd eit samfunn som brått mista all kontakt
med nabolandet Georgia, som dei tidligare hadde mykje kontakt og samarbeid
med. Kombinasjonen av fjellturismen i Elbrusområdet og lavlandsturismen
ved Svartehavet var naturlig nok ein vinnar, der synergieffekten var
stor. Vi har opplevd eit samfunn der korrupsjon og
bekjenntskaper betyr mykje for å åpne dører og å få ting til å skje, på
godt og vondt. Fattigdommen og forskjellane i livsstandard er åpenbare,
men til tross for dette er det eit folk som er utruleg trivelige og
vennlege, med ein stolthet og kulturell ballast som pregar dagliglivet. Vi
står han av og gir ikkje opp er mottoet, tydeligvis. Alt i
alt, nok ein topp tur med World Wide
Vikings!! JUB-ELBRUS - ALLE FIRE PÅ
TOPPEN (10.juni - av Frode
Høgset)
Frode, Rune, Dag og Arne på
toppen av Europas høgste fjell, Elbrus. Fyldig topp-rapport
kjem i morgon. DAGEN FØR
DAGEN (9.juni - av Frode Høgset) I dag har vi hatt ein strålande akklimatiseringstur opp til
Pastukhov Rocks, ca 4700 moh, men det aller beste med dagen var
nedkøyringa. Nesten 1000 høgdemeter med tilnærma pudder! Det tynne laget
med snø som kom i løpet av kvelden og natta gjorde
susen.
Flotte forhold for ski i dag. Natt til i morgon (onsdag) kl 4 russisk tid (kl
2 norsk tid) startar vi mot toppen. Først med beltebil opp til 4550 moh
(litt under der vi snudde i dag). Deretter er det eit parti med vekselvis snø/is. Dag og
Frode går med fjellsko og stegjern herifrå og til toppen, medan Arne og Rune
satsar på å kunne gå på ski opp til like under toppen. Det burde gå
bra slik forholda var i dag. Det siste partiet mot toppen (200 høgdemeter)
er nok for isete og bratt til å gå med ski. Vervarselet for i morgon er veldig
bra. Lite vind og lite skyer, men erfaringsmessig tek vi ingenting for gitt.
Dit skal vi. Draumen er å få
slike forhold under toppforsøket vårt i morgon.
I dag fekk vi
filma mange flotte scener.
Her er ruta vår til toppen. MED TOPPEN I
SIKTE (8.juni - av Frode Høgset) Vi er godt i
gong med akklimatiseringa og heile gjengen verkar til å takle høgda bra.
Vi har no flytta opp frå hotellet i Cheget (2100 moh) til nokre koselege
tønner ved toppen av skiheisene på 3720 moh. Nede i dalen var det dårleg
med satelittforbindelse, men no når vi har flytta opp på fjellet skal vi
prøve å bringe daglege rapportar her. Vi startar med å gi ei lita
oppsummering av dei første dagane av
ekspedisjonen. Dag 1 - Den lange reisa Kl
7.30 stod fire forventningsfulle ski- og fjellentusiastar på Gardermoen
klare for eit nytt eventyr: Å stå på ski og snøbrett frå Europas
høgste fjell, Elbrus. For Arne, Dag og Rune var dette første besøk i
Kaukasus, medan eg (Frode) var her i 2001. På reisedagen måtte vi
bruke 3 ekstra timar i Moskva, fordi det første Aeroflot-flyet vi
gjekk ombord i ikkje fekk start. Dette gjorde at vi ikkje kom fram til
hotellet vårt i Cheget (like ved foten av Elbrus) før klokka var nesten 3
på natta. Hotellet var ikkje så gale som vi hadde frykta, og vi var også
heldige med den russiske guiden vår. Gia, som han heiter, er sannsynlegvis
den russiske guiden som er best i engelsk, og med sin rutine (79 gongar på
toppen av Elbrus) har han mange verdifulle tips å dele med oss.
Forventningsfull
gjeng på flyet mellom Oslo og Moskva.
Eit
norsk par som vi møtte på flyplassen i Moskva. Dei skulle også vidare med
samme fly som oss.
Ventetid
på flyplassen i Moskva kan enkelt forkortast med litt russisk
øl. Dag 2 - Akklimatisering på Mount
Cheget Etter å ha brukt halve natta på å køyre frå flyplassen
i Mineralnye Vody, tok vi ein litt sein frukost og kom oss ikkje avgårde
med Cheget skiheis før klokka var 11. Heisen, som i følge Rune
var av same type som Opheimsheisen i Voss, tok oss opp til 2700 moh.
Herifrå gjekk vi roleg opp til rundt 3100 moh. Det vart ein tung start i
våt snø, spesielt for Dag som ikkje hadde alt for mykje trening på ski
denne sesongen. Rune og Dag snudde på 3100 m for å vere sikker på å rekke
heisen ned igjen, medan eg og Arne gjekk vidare heilt opp til toppen av
Mount Cheget på 3400m.
Hotellet
vårt i landsbyen Cheget ved foten av Elbrus.
Dag
på veg opp med Cheget skiheis.
Arne
på toppen av Mount Cheget, 3400 moh.
Herleg
frikjøring ned frå Mount Cheget.
Dag 3 og 4 - Med toppen i
sikte I to dagar no har vi flytta akklimatiseringa til Elbrus.
Begge dagane har vi tatt gondolheisen frå Azau (2350 moh) og opp til Mir
heisstasjon på ca 3500 moh. I går gjekk vi roleg opp til Diesel Hut på
4050 moh. Diesel hut er ei gammal hytte som i 1999 vart ødelagt i ein
brann. No held russarane på å bygge ei ny Diesel Hut like ovanfor den
gamle.
Den
nye Diesel Hut er under oppføring. Elbrus i bakgrunnen. I dag
har vi flytta oss opp frå hotellet i Cheget til Barrels som ligg ved
toppen av øverste skiheisen på Elbrus. Barrels eller tønnene har stått her
sidan 80-talet og vart først nytta av Sovjetiske langrennsløparar som ofte
hadde høgdeopphald her. No vert tønnene nytta av folk frå alle nasjonar
som kjem hit for å bestige toppen av Elbrus.
Dag
med Barrels (tønnene) i bakgrunnen, 3720 moh.
Arne
kjenner at forma er i anmarsj etter nokre dagar med forkjølelse
og hodepine.
I
dag skifta veret fort mellom steikande sol, skodde og lett
snøver.
|
|